“I can only hope na maging hit nga rin ito like ‘Septic Tank’,” says Direk Marlon. “Alam nyo naman, walang kasiguraduhan sa industriya kung ano ang kikitang pelikula at ano ang hindi. But ‘Huling Henya’ is a true crowdpleaser. Talagang masisiyahan ang viewers dito. Sina Uge naman at Rufa Mae, hindi sila dapat pagkumparahin kasi magkaiba ang comic talents that they offer.”
Will “Huling Henya” upgrade the kind of comedy in local films? “I do believe so. I’m hoping na ganun nga. Personally, sa tingin ko sa sarili ko, we upgraded our comedy. Na-realize ko na kaya pala hindi ako ma-inspire-inspire na mag-movie ulit after ‘Septic Tank’, kasi parang nagawa na lahat ng klaseng patawa eh, sa TV, sa pelikula. This one, upgraded, updated. Sa zombie pa lang, di ba? Wala pang zombie movie na Filipino ngayon, di ba? So may zombies kami rito at ibang zombies ang mapapanood nyo rito. Mismong si Rufa Mae, upgraded dito. Talagang pinagtatalunan namin yung sobrang time na inuukol niya sa make up niya, sa pilikmata niya. Na-convince ko siyang hindi kailangan yun dahil iniiba nga namin ang image niya rito.”
Rufa Mae herself says she shouldn’t be compared with Uge. “Hindi ko puwedeng i-compare kung ano ako kay Uge kasi iba ’yung training niya, iba ’yung paniniwala niya, iba siya. Saka she deserves her success kasi she’s very sincere. Ilang taon na rin siya sa showbiz so nung sumikat siya, sabi ko sa kanya, ‘I’m so happy for you.’ Naging magkakasama kami sa ‘Apat Dapat, Dapat Apat’ ng Viva with Pokwang and Candy Pangilinan. Ako yung daldal ng daldal, siya nakikinig lang. Love ko si Uge at love din ako no’n. Nag-guest pa nga ako sa kanya sa ‘Kimmy Dora’. Ako ‘yung Koreana dun. Suportado niya itong ‘Huling Henya’. Manonood daw siya ng premiere night namin sa August 20 sa Glorietta.”
