“Nagpapasalamat ako sa lahat ng tumatangkilik sa aming show,” says Cristy. “Patunay ang programang ito na sa likod ng maniningning na bituin ay nagkukubli ang mga personal na kuwento ng hinagpis, tagumpay at halakhak ng mga artista. Marami pa kaming balak para mas pagandahin ang show. Sana, pumayag ang paborito kong si Robert Jaworski na magawa namin ang buhay niya, pati si Freddie Webb.” How about Rosanna Roces? “Inalok na namin, pero paiba-iba ang sinasabi. Minsan, ayaw; minsan, gusto pero huwag daw ita-touch yung pag-aartista niya. Puede ba yun?”
She now has three shows on TV5: “Paparazzi”, “Star Confessions” and the daily “Juicy”. “May daily radio show pa ko sa 92.3FM. Saturday lang ang day off ko pero nahihila pa rin to do taped interviews.” She’s so busy now. Has she forgiven Boy Abunda? “Noong December 2008, nag-text siya sa’kin. Di raw niya akalaing aabout sa ganun. Mahal daw niya ko. Hindi ko sinagot. Malaking kaplastikan yun. Sino ba ang naging susi kaya ako sinuspindi ng ABS? Wala ako nun, nasa Canada ako with ‘Wowowee’, nang interbyuhin niya si Nadia Montenegro na minaltrato ko raw ang anak. Feeling ko, di niya ako naprotektahan. Kung totoong mahalaga ko sa kanya, bakit niya hinayaang atakihin ako ng personal at pulbusin ako ni Nadia sa ere? Ni wala ako para maipagtanggol ang sarili ko. Nag-react lang ako kay Nadia, tapos ako pang nasuspindi. Sabi niya sa’kin later, hiyang-hiya ako sa’yo. Aba, e dapat ka lang talaga mahiya, kasi alam niya kung paano ko siya minahal. Sa’kin noon, wag mong kakantiin man lang si Boy dahil akong kalaban mo. Pero nang balikan ko sa isip ko, nalaman ko kung sino ang nasa ilalim lahat ng nangyari, si Kris (Aquino), kasi gusto na niyang bumalik mag-host sa ‘The Buzz’. Pero kung tutuusin, siguro, dapat magpasalamat na rin ako sa kanila. Kasi hindi naman darating lahat itong magagandang trabaho ko sa TV5 kundi sa ginawa nila sa’kin. Ngayon, andami-daming taga-ABS na lumilipat na rin at gustong maging Kapatid. Nagugulat na lang ako, o, nandito na rin kayo? Demoralized kasi sila roon. Pati mga cameramen ni Johnny Manahan, nasa amin na.”
How about her lovelife? “Naku, di ko na iniisip yun. Happy na ko sa mga apo ko. Sa anak kong si Brian or BM, may girl ako, si Charmie. Sa anak kong si Neil Hendrix, I have two boys, Scott and Bejo. Tapos, may dalawa kong adopted, si Kevin na kumukuha ngayon ng comm arts sa St. Paul and a 4-year old girl, si Bulaklak Mandela. Sa kanila lang, kumpleto na ang buhay ko.”
